মাণিকপুৰত স্বাধীনতা দিৱস উপলক্ষে বিশাল ত্ৰিৰংগা যাত্ৰা: উছাহ-উদ্দীপনাৰে অংশগ্ৰহণ ৰাইজৰ৷ দেশৰ ৮০ সংখ্যক স্বাধীনতা দিৱস উপলক্ষে আজি বিজেপিৰ মাণিকপুৰ মণ্ডলৰ উদ্যোগত আৰু বঙাইগাঁও জিলা কমিটিৰ সহযোগত অনুষ্ঠিত কৰা হয়৷ “মনে-প্ৰাণে ত্ৰিৰংগা, ঘৰে-ঘৰে ত্ৰিৰংগা” আহ্বানেৰে দেশপ্ৰেম আৰু ৰাষ্ট্ৰীয় গৌৰৱ স্মৰণ কৰি আয়োজন কৰা এই যাত্ৰাই অঞ্চলটোত এক অভূতপূৰ্ব উৎসাহৰ সৃষ্টি কৰে। ত্ৰিৰংগা যাত্ৰাটি আনুষ্ঠানিক ভাৱে শুভ উদ্বোধন কৰে বঙাইগাঁও জিলা সমিতিৰ সম্পাদক ভাস্কৰ ৰায়ে। ​মাণিকপুৰ অৰ্দ্ধ সাপ্তাহিক বজাৰ গৃহৰ পৰা আৰম্ভ হোৱা এই পদযাত্ৰা মাণিকপুৰ চাৰিআলি হৈ ২৭নং ঘাইপথেৰে আহি প্ৰায় দুই কিলোমিটাৰ শোভাযাত্ৰাৰ বজাৰ গৃহত সামৰনি মাৰে৷ মাণিকপুৰ বাসী ৰাইজে হাতে হাতে ৰাষ্ট্ৰীয় পতাকা লৈ এই পদযাত্ৰাত অংশ গ্ৰহন কৰে৷ প্ৰখৰ ৰদকো নেওচি স্থানীয় সকলো বয়সৰ পুৰুষ-মহিলাই এই কাৰ্যসূচীত সক্ৰিয়ভাৱে অংশগ্ৰহণ কৰি কাৰ্যসূচীটি সফল কৰি তুলি নিজৰ দেশপ্ৰেমৰ পৰিচয় দিয়ে। মাণিকপুৰৰ পৰা আব্দুল ছোবাহান আলীৰ ৰিপৰ্ট।